El principito ancien frnçoise, Li juenes princes

Quant estoie aagiez de sis ans, un jor vi bele et avenant ymage, en un livre qui mostroit gaudines parfondes et lees et espaisses que nus ancor n’avoit cerchiées ; cil livres ert clamez Estoires veraies et mostroit un serpant boa qui manjoit une salvage beste. Iqui est l’ymage com ele estoit. En le livre lisoie je : « Li serpant boa manjuent les autres bestes totes antieres, sanz nul maschier. Puis il ne poeent mes cheminer et dorment sis mois andementiers qu’il depecient en lor boëles la char des bestes. » Adonques ai molt songié as estoires de la parfonde gaudine ; puis o tros de croie tointe, ai ma premiere ymage repainte.